 |
 |
|
| دوست دار طبیعت |
|
باسمه تعالی مجموعه اشعار تركي محمد عرب خدری ایزاق یؤلدن، یؤردمزه، اوزلندم درگز دو، داغ دره نی، تولندم الله اکبر آدی نن من، سؤزلندم الله اكبر، قلبين دولي، سوزدندي باخماقلارین بیزه، محبتلی گؤزدندي الله اکبر، داشلی داغا یتندا تولی یولی، یوخاریه گدٔندا یوخاریدن، درگزه باخندا تاریخ ِ من ورق ورق گؤررمن بندیانه، نادره من، باخرمن الله اکبر، یوخاریه، باخاندا تؤلی یوللر، سنن اؤستا، چیخاندا دره لرین، یازده، بولوت توتاندا سلام اولسون، بلند داغین آدِنه جوانلرین، آده گلسین، یادنه الله اکبر، غرقی لرین اوچاندا کهلیک لرین، درّه لرده، قاچاندا نازلی توخلی، ننه دن، سوت امندا اگر اولسه،کچنلردن یاد اِله محبتلی، اورگلره شاد اِله الله اکبر، یاغیش سنه، یادلاسین چشمه لرین، همیشه شارلداسین چاغالرین، دسته گؤلی باغلاسین شامالین نن، ایسسه گلسین بویانا اؤرَک دَکی، محبت لر اویانا الله اکبر، قلّه لرین، بَلنددی چشمه لرین، یردن دائم گَلندی سنین آدین، قدیم لردن قالندی ایران توران، قصّه لری قالاندی رستم کَسَنْ گزآغاجی یالاندی؟ شترپران، یوخاریدا ، دؤرتدي سیدین تیزی سی، یؤلی کستدي یوخاریده دورَن، بولت لره باختدي آدلی داغِه دوست و رفیق یاد ائدر گزماقه نن، اؤرگینه شاد ائدر یولوم سن نن اوزاغ دئوشدی هجرته تیوان گلده سن دئوشيپسن غوربته کپگان، گپّی دئوشیپدلر حیرته بیر کیمسه یوخ، کهنه یوله دوزتسين اینچه، میو دوآبی نی درگزه یتیرسين الله اکبر، آب گرمی ده، دؤریدم ایسسی سودن، من ائوزومه ووریدم قرخ قیزی ده، یئده داشه آتی دم شاید که من، آرزومه، یتیدم بوملتین، آزادلقین، گؤریدم خنتمه نین، کؤتلینه یتیدم درگزین، درخت لرین گئوریدم بازارنده، آششاغایه گئدیدم بیردا، گنه قوجالارین گئوریدم محبته، تماشایه دوریدم نوخندانین، میوه سی، شفتالوسی قوون قارپوز، درخت ده زردآلوسی باغ باغچه ده، گئوله، اونین ایده سی بیریوخی تک، یادیمدادی باغلاری باغلاریندا، قیش گؤنلری قارلاری آخر چهارشنبه نین، یولی یولاقی اوت اوستننن، قوش تکین خزلاماقی ساره لیقی ورو، ساقلیق آلماغی آی نه گؤزل منظره ده بو صحنه گئول لر تکین گؤرملی دي بو صحنه عیدلرده، عاشیق لرین چالماقی نوخندانی خاتونلارین، یاشماقی پلوانلارین میداندا، قارماشماقی سینماتک، پرده کیمین گؤزمده حسرته وار، هنوزهم، اورگمده الله اکبر، عجب عاشيق چالاردی ترینگینه، قشقرقی، سالاردی گلین قیز هم، کفترکیمین، اوچاردی یادینديندادي، چاقالارنن قاچاردیک دام باجادان خزلو، عجب آشاردیک گؤزل قیزلار بویلاری، ساللاردیلار بویه مینوپ قوش تکین اوچاردیلار قشقرق نن، بویلاری ایچاردیلار بوی ایچماقین لذتی، خوش کچمه سی یادیم دَادي، چاقالیقدا باخمه سی قیز بویه نَن، یوخاریدن گلندا اوغلان چاقا یاقاچنن محکم اونه وورندا یار آدی ني، بیر دیلندن آلندا بیردن دئوشردی آرایه ولوله تامام بیردن چکردلر هلهله آغشام باشی عاشیق لر چالاردلار پهلوان لر، چوخا پالتار گیاردلار رستم تکین، میدان دا گرزدلار نه بیر قشنگ سننت ده بو، قارماشماق قارداش تکین بیر بیر نن، ساللاشماق سیزده گؤنه، آت ارابه گئدردی پیاده هم، بیر عدّه ،یوللاناردی حضرت سلطان، چؤلنده تارلاناردی سیزده گؤنه نحس چیخارماق گئونه دي قیز اوغلانلار، بختین آچان گئونه دي سیزده گؤنی حضرت سلطان چؤلندا قارماشماقین، فینال میدان گئونندا رستم تکین، جوان لرین گؤزندا عجب غوغالار وار، عجب فیکرلر پهلوان اولماقه آی، نه بیر شؤکرلر عیدلرده، رعیت خوشحال اولاردی لاله گؤله، چؤلده باغدا چیخاردی یاغیش هر گؤن بولت لردن یاغاردی خدای بیزدن، محبتین آلپدی قوجه جوان بختین قره یازیپدی تامام یئرده، قزلر گؤله چیخاردی داش دره لر، قرمز دونه گییاردی اورگمیز، محبت دن دولاردی هیچ ذاتِ نن اؤزگمز شاده دی محبت دن چؤل دره لر باغیدی بعضی ایللر، یاغیش اصلاً یاغمسدي اوت کئمدی، حیوانلر ساغلمسدي خدای مگر، بو صحنه یَ باخمسدي؟ چمچه گلین بزو، بلند سسلردیک خدای دِردریک یاغیشه بیز ایستریدیک ایلدریم، چاخیلاردی زنجیر کیمین دولی، یاغاردی بولت دن قوز کیمین سیل گئلردی سِل آوا دن داغ کیمین خشت کؤپره ده دروب اونا باخاردیک هیبتن نن، قدرت نن قاچاردیک الله اکبر، باغدا اؤزوم، ییغردیک سبد سبد، اونی یرده، سرردیک کشمشهِ چین بو زحمته، چکردیک توموزده کی، زحمت لرین اجرته قیش گؤننده اوجاقلارین کنارنین عزّته میزان گؤنه، محصول لار که يیغیشدي ارباب زارع، پایِ بیر بیردن چیخدي کؤره کن هم، توي توتماغه باتیشدي تویلار بیر بیر، باشلاناردی سازه نن گلین گلرده، اؤینه نازه نن الله اکبر ، نوخندانین توی لاری قوجا جوان شیرین شیرین سؤزلاری قازان قازان، پلولاری ات لاری بیرده گنه ، اوگؤن لري گؤریدم جوان لارین خوش لیقنَه گؤلیدم ایلچی گئدردي ، ایلچی لق ادردي قیز آلماقه ، باشلغین دانِيشَردي جواب آلدي، کله قند سیندرردي یايلیقده کی شیرینی لری مهمانلره ورردي آغِزلره شیرین ادو، توی وعده سی ورردي یوخاردی دن، جارچی سسی گلردي تامام کسی، کاته کیچیک تؤیه خبر ادردي یول یولاغ نن، جارین سسین چکردي گئجه هر کيم توی یرنه،گئدردي نوقول ييوپ، قتمني، قوياردي تؤي ايه سي، مهمانلرين بيلردي ات دؤگي نين، تداركين گؤرردي آشپز قولين، يوخاريه وورردي يخني پلو، پيشرماقچين قاچاردي سحر تزدن بؤ زحمتچين، توراردي کؤره کنین، سققله نی قیرخاندا تار قابال نن، حمّامه آپاراندا دوست و رفیق ، میداندا اوینياندا گئورد م، اوندا رفيقلرين مهرني قوم وخويشين، يار يولداشين لطفني جهیزیه، خانچه لرده، گَلَردي قاب قاششق نن، طاقچه لری بزردیک رف، دیوارَه، دوزمه لری دوزردیک تؤيلارينده، اوخردلار، اؤزلري شاد اولماقچین، چالاردیلار سازلري "پیغمبرین قیزینه علی آلده یاریار قیز ورماق و قیز آلماق شون نن قالدی ياريار" رسم لَریندا، یاریار دماق، واریدي یاریارلاردا، یاخچی سؤزلر، واریدي سؤزلریندا، محبت لر، واریدي «آفتابه ده سوو قویدم دورلتتده یاریار گئدین گؤرین کؤرکن گؤل اولتتده یاریار» تویین گئجه لری، چالو و اوینماق خاتون لر مجلس ده، اوی نو اوخه ماق الدفی سسینن، بو شعری دماق «بابا جیقین اؤسته میرین قلعه سی گئتدي گؤرکمدي یارین قره سی» بیر خاتون اوخردی، اوغلان طرفدن بیریَم سؤولردی، گلین طرفدن الدفی سسلردی، عاشيق دیلندن «بیر حیاط آلپ بن حمامه یاخین حمام نن چیخانچی بوییه باخیم» گلین بئوله، باغلاناردی شاله نن چورک شالدا، آیه قرآن نن ننه بیردن ، باقرردي، قالِ نن گلین یولی چالماق یادم نن چیخماز یار یار دماق سسلر یادم نن چیخماز گلین لرین، بدو آتا مینماسی یار یار دیَن لرین، سسی صداسی بیگ اوغلانین، نارنن آلما آتماسی بیر نازنین، خاطره دي یاديمدا عجب نازلی، منظره دي گؤزيمدا شیرعلی نین، یاریارلاری، نفسی گئجه نین آخری، چئکردی سسی کئورکن دیلین نن سؤلردی سؤزی «یوخاریدن گله من چکمه مه چک یاریار اینده قيزي اِرتَمَن ایچه یه چک یار یار» توی گؤنلری، پلولری سؤزندا سلله لری، بیر کناردن دؤزندا مست جوانلر، ایپلرنه اؤزندا توی ده عجب ولوله لر اولردي قوجا جوان بلند بلند گؤلردي توی لردکی، دف قوشمه لر یاد دادي اولیانین، دوتاره، باخ طاقدادي خاتون لرین، اَلدفی سی دیلددي کچن لره باخسان، محبت چوخدي اما بوگون نِمی، محبت یوخدي قاتم قویماق نه بیر گؤزل رسم دي مجمه دولاندرماق نه بیر بزمیدي پولهِ وروپ نوقول یماق هَزهّ دي آی بو رسم نه نازنين، رسم د ي جوانلرین الین توتماق حسن دي شاد گؤنلرین، محبتلی سؤزلری جوان قیزلار، ایششلردی گؤزلری جوان قوجا، شاده دیلر اؤزلری ساقلیق، سلامتلیق اولارچین ارزان امّا بوگؤن ، بیزیم چن اولوپ لرزان اوقلانلارین، سونته نین تویندا متفعلي اوستانین، تیغه نِیندَا کَسَردی اوستالیق نن او ییرندا قره یانیغ لتُّه، یاپیشدرردي یانماقینه، دردنه دؤشورردي خاتِن لرین، حمامه گتماقلري بوقچه لَرنَن،کؤچه دن کچماقلري اون نن مون نن، اؤزلرین توتماقلري بو داستانلر کئچده،گئتدی، قوتاردي کهنه رسم لر ایتده، گئتدی، قوتاردي چاقالیقدا، ننم منی، حاممامه آپاراردي کیسه چکوب ، یوواردی ، چیخاراردي سر حمام ده، پالتارلارین، گيارذي بیر گؤن بیری ددي ای وای بو کیمدي کاته اوغلان ، سر حمام دا بو کیمدي نوخندانین ، حمامه نین خزنه سی ایسسه سووه، اؤسته توکماق مزه سی کیسه چکوب، تمیز اولوب چیخمه سی کئچده گئتدی، خاطره لار قوتاردي عمر کئچدی، جوانلیق لر سارالدي منیم ننم، بلند لایلا دیردي کنده دن، چیخرن اونه الردي خمیر ادوپ ،مشت وورماقه تورردي گئچدي گئتدي ، قوتاروپ دور او گؤنلر منیم ننم ساغه سوله، ساللانوپ دو بو گؤنلر |
|
+ نوشته شده در
پنجشنبه شانزدهم خرداد 1387ساعت 11:8 توسط محمد عرب خدری |
|
|
الله اکبر یوخاریه باخاندا
تولی یوللر سن نن اوسته چیخاندا دره لرین یازده بولوت توتاندا سلام اولسون بلند داغین آدنه جوان لرین آده گلسین یادنه |
|
+ نوشته شده در
دوشنبه دوم اردیبهشت 1387ساعت 6:46 توسط محمد عرب خدری |
|
|
ایزاق یولدن یولدن یوردمزه اوزلندم
درگز َ دو داغ دره نی تولندم الله اکبر آدی نن من سوزلندم الله اکبر قلبین دولی سوزدندی باخماقلرین بیزه محبتلی گوزدندی الله اکبرداشلی داغا یتندا تولی یولی یوخاریه گدندا یوخاریدن درگزه باخاندا تاریخه من ورق ورق گوررمن بندیانه نادره من باخارمن |
|
+ نوشته شده در
دوشنبه دوم اردیبهشت 1387ساعت 6:30 توسط محمد عرب خدری |
|
ادامه مطلب |
||
|
+ نوشته شده در
یکشنبه دوم دی 1386ساعت 12:6 توسط محمد عرب خدری |
|
|
فردوسی : حکیم فرزانه ابوالقاسم حسن ابن اسحق . از وی به نام خداوندگار تاریخ و فرهنگ ایرانشهر یاد میکنند . شاعر نامی ایران که ایران را پس از 200 سال از دست زبان اعراب نجات داد و دوباره زبان پارسی را که از ریشه پهلوی و دری گرفته شده است را به کشور هدیه کرد . او در سال 329 در قریه باژ از توابع طوس پا به حیات گذاشت و مدت 35 سال از عمر خود صرف جمع آوری تاریخ ایران به صورت نظم و شعر کرد که منبع گردآوری او از کتاب خدای نامه شاهنشاهی ساسانیان بود . اما حاکم وقت سلطان محمود غزنوی رنج او را ضایع کرد و او را آزرده و رنجیده خاطر نمود . او یکی از سه اثر |